GENERAL SANTOS CITY – Nagpatigababaw ang kamatuoran ug gipakigbisugan sa Bomboradyo Philippines kaniadto batok sa Kapa-Community Ministry International, Inc. (KAPA) sa founder niini nga si founder ug president Joel A. Apolinario.
Kini human sa gipagawas nga kamandoan ni Acting Presiding Judge Fatima San Pedro-Eugenio sa Regional Trial Court 11th Judicial Region Branch 35 sa General Santos City nga ‘permanently pag-dismissed’ sa kaso batok kang Bomboradyo Gensan Station Manager Bombo Janjan Macailing ug Bombo Boi Galano.
Kahinumduman nga ang duha gipasakaan sa kampo ni Apolinario ug Robbery with Violence Against or Intimidation of Persons human sa ilang pagkaaresto sa entrapment sa National Bureau of Investigation(NBI) tungod matod pa sa pagpangilkil.
Sukad nga gipagawas kaniadtong Hunyo 7, 2022 ang ‘provisionally dismmised order’ gikan sa korte, hangtud karon wala mipatim-aw ang private complainant aron i-revive ang kaso.
Kinasingkasing nga nagpasalamat si Bombo Janjan, una, sa Maykapal, ikaduha, sa Chairman ng Bombo Radyo Philippines nga si Dr. Rogelio Florete, Margaret Ruth C. Florete (President and CEO) sa network, sa mga mitabang nga abogado, ug tanang supporters nga padayong misalig ug wala mibiya sa away sa network batok sa KAPA.
Kahinumduman nga kaniadtong Hulyo 21, 2020 dihang giaresto sa joint operation sa mga otoridad si Apolinario nga nag-atubang sa kasong paglapas sa Republic Act No. 8799 o Securities Regulation Code (SRC), sa Hamdayaman, Lingig, Surigao del Sur.
Nasayran nga giawhag sa KAPA ang publiko nga mag-donate ug P10,000 bugti sa 30 percent monthly blessing o love gift for life.
Dili lang sa ubang lugar adunay operasyon ang KAPA kun dili bisan sa Gensan ug Alabel Sarangani Province kung asa milyon-milyon nga kantidad sa salapi ang nakolekta sa maong investment group.
