GENERAL SANTOS CITY – Nadugangan ang kaso nga giatubang sa usa ka kanhi barangay Kagawad dihang nadugangan ang unang tulo ka mga reklamante.
Kini human miabut sa sibyahanan sa Bombo Radyo ang laing residente sa Barangay Ligaya ning syudad nga namahayag nga siya gi-among-amongan sa makadaghan nga higayon sa akusado nga si benbenor Tondog Salindal 57 anyos nga taga Ligaya.
Unom ka kaso nga acts of lasciviousness ang giatubang ni Salindal hinungdan nga gidakop basi sa warrant of arrest nga gipagawas sa korte.
Tulo ka mga menor de edad ang nagreklamo nga sila pulos gibastos sa nahisgutang akusado nga ila usab nga silingan. Una nga gibutyag ni Police Major Ivan Abastillas, hepe sa Lagao Police station nga matag kaso adunay bail bond nga P180,000 aron mahatagan sa iyang temporaryo nga kagawasan ang dinakpan.
Ginaproseso na sa kapulisan ang commitment order ni Salindal aron ibalhin kini sa lanton reformatory center.
