GENERAL SANTOS CITY – Gihingusgan ni Atty. Theodore Sales nga angayang iagi gihapon ug ‘due process’ ang kalabot sa kaso ni P/Supt. Maria Christina Nobleza bisan pa nadiskubre nga gisulayan niini nga tabangang luwason ang Abu Sayyaf didto sa Bohol kauban ang iyang driver og boyfriend nga si Renor Lou Dungon, kinsa kumpirmadong miembro sa ASG.
Sa pakighinabi sa Bombo Radyo, gibutyag ni Atty. Sales, angayang mapahamtang ang tukmang silot batok kang P/Supt. Nobleza og kay Dungon. Nagtuo kini nga may dakong epekto sa nasud ilabina sa ekonomiya ang natigayon ilabina pa nga miyembro sa PNP si Nobleza.
Hinuon, gibutyag ni Atty. Sales nga makonsidera nga usa ka kasong treason kon pagtraydor sa nasud ang gihimo ni Nobleza.
Apan kung usa ka miembro sa PNP o AFP ang nihimo sama sa gihimo ni Nobleza, mahulog kini nga usa ka aggrevating circumstamces kon asa taas-taas nga silot ang ipahamtang kung asa matangtang gayud sa serbisyo.
