Magpadayon ang mga kaso batok kang Senador Joel Villanueva ug Senador Francis Escudero, sumala kang Ombudsman Jesus Crispin Remulla.
Kini bisan pa sa mga alegasyon nga posibleng maapektuhan ang mga kaso human sa pagbalhin sa duha ka senador ngadto sa kasamtangang mayoriya sa Senado.
Hinumdoman nga giakusahan si Senador Joel Villanueva ni kanhi DPWH Bulacan First District Engineer Henry Alcantara nga midawat matod pa og P150 milyon nga kickback alang sa usa ka multi-purpose building project sa Bulacan. Apan, gilimod sa senador ang maong akusasyon.
Samtang, si Senador Francis Escudero giakusaran usab nga midawat og mga kickback gikan sa mga flood control projects, apan iyang gipanghimakak usab ang maong alegasyon.
Sa laing bahin, gipanghimakak ni Ombudsman Remulla ang mga pangagpas nga gitarget sa Office of the Ombudsman ang bag-ong minoriya sa Senado.
Matud ni Remulla, walay kamatuoran ang maong mga alegasyon, ug iyang gipahinumdoman nga kadaghanan sa mga kasamtangang naa sa prisohan mga kaalyado usab nila.
