GENERAL SANTOS CITY – Gipaklaro ni P/Capt. Rizza Hernaez, tigpamaba sa General Santos City Police Office (GSCPO) sa 14 ka shooting incidents sa syudad nga natigayon sa panahon sa pagdumala ni City PNP Director Col. Gilberto Tuzon sa kapulisan sa dakbayan, duha lang ang walay kasong gipasang-at ang kapulisan.
Matud pa kang Capt. Hernaez nga kini ang pagpusil patay sa area of responsibility sa San Isidro PNP.
Ang ikaduha ang pagpusil patay usab sa negosyante sa milk tea sa Apopong nga si Freya Joy Cuevas.
Kahibaluan nga sa miaging Disyembre 2020 nagmando si Col. Tuzon sa mga nagkadaiyang presinto nga may mapasaka nga kaso batok sa mga suspek sulod sa duha ka semana.
Ang sunod sunod nga pagpamusil patay sa dakbayan sa miaging bulan sa Disyembre human ang pipila ka adlaw sukad nga naglingkod sa pwesto ni Tuzon ang gikaalarma sa katawhan.
Hinoon wala na sila naghatag og detalye sa mga suspek aron nga dili makaikyas oras nga mugawas ang warrant of arrest.
