Kasagaran sa mga positibo sa COVID 19 karon sa dakbayan asymptomatic

GENERAL SANTOS CITY – Kasagaran sa mga positibo sa COVID 19 sa dakbayan ning higayona asymptomatic .

Matud pa ni Dr. Jett Oco, local IATF incident comnmnder nga sa mga COVID 19 hospital beds sa dakbayan ang ubos sa 20% hinungdan nga anaa sa low risk classification ang syudad.

Hinoon padayon ang ilang apila sa katawhan nga dili magkumpyansa ang tanan bisag ubos na ang kaso sa COVID 19 kung asa angayang sundon ang minimum health standards.

Gibutyag ni Oco nga bisag bakunado na angayang magpabilin nga sundon ang mga health protocols.

Angayang mag-amping ang tanan ilabi pa nga daghan na ang gagawas sa balay aron kapugngan ang pagtaas sa kaso sa COVID 19.