Karneng manok, baboy og isda sunod nga hatag sa mga residente sa GenSan

GENERAL SANTOS CITY – Gilauman nga sa sunod nga mga adlaw mga perishable goods na ang ihatag sa syudad ngadto sa mga residente.

Kini ang gikumpirma ni City Mayor Ronel Rivera human nga iyang nakahinabi na ang mga anaa sa fishing, piggery, poultry sa dakbayan.

Matud kang Rivera nga usa ka pamaagi usab kini nga matabangan ang maong industriya nga nalugi gumikan sa gipatumang enhanced community quarantine tungod sa COVID 19.

Gikan sa lokal nga gobyerno ang maong mga produkto ihatag pinaag i sa barangay og purok chairman aron sila na ang manghatag sa mga residente.

Gumikan niini sa sunod nga mga adlaw dili lang mga canned goods og noodles ang madawat sa mga residente sa dakbayan.