GENERAL SANTOS CITY – Nadugayan pa pagkuha gikan sa iyang gilingkuran ang driver ug ang helper nga naipit human nalambigit sa karambola sa mga sakyanan kagabii sa national highway Silway 7, Polomolok South Cotabato.
Nahitabo matud pa ang disgrasya dihang misignal pabalik sa iyang agi ang itum nga pick-up nga maneho sa usa ka edaran apan hinay kaayo ang dagan niini.
Samtang nagapadulong sa direksyon balik sa Gensan ang ikaduha nga pick-up nga padulong sa Gensan, ang nakakita sa pag U turn sa itum nga pick ang misulay pugngan ang iyang dagan apan sa kakusog niini nagzigzag ang dagan ug naigo ang likod nga bahin sa itum nga pick-up ug sa kakusog sa pagbangga mituyok kini ug naadto sa pikas lane ug nabanggaan sa nagapadulong nga cargo truck.
Nasuta nga lima ang sakay sa cargo truck samtang upat sa pick-up nga nakabangga niini lain usab ang mga pashero sa itum nga pick-up.
Nasuta nga duha ang lipong nga sakay sa pickup nga gidala sa tambalanan gidala usab sa tambalanan ang tulo ka sakay sa cargo truck.
Ang tulo ka sakyanan ang kustudiya sa kapulisan sa Polomolok samtang padayon ang gihimo nga imbestigasyon.
