GENERAL SANTOS CITY – Dili lamang sa Sarangani kundi ang General Santos City Police office ang mipirma ug pledge of commitment alang malinawon nga pinili-ay karong Mayo.
Nanguna sa pagpirma niini mao ang labaw sa kapulisan sa syudad nga si Col. Paul Bomitibu dihang gipahigayon sulod mismo sa Camp Lera. Gisundan usab ang pagpirma sa susama nga tumong sa mga kauban nga opisyal ni Bomitibu sa tumong nga mapakita nga walay gidapigan sa kinsa mang kandidato.
Gipaklaro usab sa kapulisan nga wala silay labot sa nagpadayon nga kampanya sa mga kandidato apan anaa ang ilang presensya aron masiguro ang kalinaw sa adtu-an sa mga nahisgutan.
Kauban sa pagpisma sa kapulisan ang taga simbahan ug uban nga stakeholder nga nagbantay alang sa usa ka hapsay ug malinawon nga pinili-ay.
Dinhi sa dakbayan walay matudlo nga areas of concern tungod daghang election na ang milabay nga malinawon ang 26 ka barangay niini.
