Kapulisan nangabuso tungod sa reward, quota system sa kampanya sa ‘drug war’ sa Duterte administration – Espenido

Nibutyag ang kontrobersyal nga police colonel nga si Jovie Espenido sa Quad Committee nga tungod sa quota ug reward system, giabuso sa kapolisan ang ilahang gahom nga niresulta sa paglapas sa tawhanong katungod sa liboan ka mga biktima sa kampanya sa ilegal nga droga.

Mao ni ang tubag ni Espenido sa pangutana ni Ako Bicol Rep. Raul Angelo “Jil” Bongalon.

Matud ni Espenido nga siya nahasubo nga daghang mga inosenteng sibilyan ang nangamatay tungod sa pag-abuso sa ilahang otoridad sa kapolisan.

Dugang pa niini nga makaluluoy ang mga biktima nga makadawat lang og pahalipay.

Nasayod usab siya nga sa kataas sa duguong ‘drug war’, daghan ang nagprotesta batok sa paglapas sa tawhanong katungod.