GENERAL SANTOS CITY – Nanawagan ang kapulisan sa mga kabanay sa tulo ka mga batan-ong suspek nga milungkab sa usa ka pwesto sa Pendatun avenue nga isurender ang mga nahisgutan una maulahi ang tanan.
Human gibutyag ni Police Major Weslie Matillano nga klaro kaayo ang mga panagway sa tulo dihang giguba ang mga kandado.
Matud ni Matillano nga basin ug intirisan sa pipila ka residente ang tulo tungod sa gikawat nila nga mga laptop.
Kini human gikumpirma sa kapulisan nga may narekober nga mga laptop human gilubong sa usa ka lugar sa KPS Labangal.
Natultulan ang naasoy nga mga himan human nakadawt ug impormasyon hinungdan nga giadtu-an ug gikotkot ug narekober ang pito ka kinawat nga mga himan.
Nasuta nga bisan ug may CCTV camera ang mga pwesto maisugon ang mga suspek nga gidudahan pa nga lango sa druga tungod gisayon sayon lamang ang paghimo ug salaod luyo nga duol lamang ang Pendatun Police station.
