GENERAL SANTOS CITY – Subling nagpahimangno ang kapulisan sa publiko batok sa pag-atake sa Kandado Gang sa GenSan ilabina na sa mga biyaan ang panimalay alang sa planong pagbakasyon atol sa Semana Santa.
Basi sa datos sa GSCPO, dili muobos sa napulo ka establisiemento na ang nabiktima sa grupo sa mga kawatan.
Gibutyag nga gamit matud pa ang peke nga yawe, dali og paspas nga sudlon sa mga kawatan ang establisiemento ilabina kadtong gagamit ug roll up doors ug gagamit ug dagkong kandado.
Sa AOR matud pa sa Bula Police Station ang adunay daghang insidente sa pagpanulod sa mga kawatan sa establisiemento samtang may natala usab sa AOR sa Pendatun Police Station.
Hinuon, malaumon ang kapulisan nga mga miembro sa giingong kandado gang tungod pagkakaron, may gihuptan na silang mas klarong CCTV video.
Gisiguro sa mga otoridad nga tutukan ang kaso apan dungan niini, gipahimangnuan ang katawhan nga doblehon ang pag-amping.
