-- ADVERTISEMENT --
GENSAN – Gibisita ni City Director PCOL Nicomedes P. Olaivar Jr. ang gitakdang firecracker ug fireworks display area sa Oval Plaza isip kabahin sa kampanya sa PNP nga “Ligtas Paskuhan 2025,” diin iyang gipahimangnoan ang mga personnel nga magbantay pag-ayo sa mga mosulod ug mogawas sa maong lugar, istriktong ipatuman ang hustong inspeksyon, ug siguruhon nga walay pagsulay o pagpasiga sa mga pabuto sulod sa display zone.
Gisusi usab niya ang mga baligyaan aron masiguro nga legal lamang nga mga firecracker ug fireworks ang ginabaligya sumala sa balaod, isip kabahin sa padayon nga paningkamot sa GSCPO sa pagpanalipod sa kaluwasan sa katawhan ug paglikay sa mga aksidente ilabi na karong panahon sa kapaskuhan.
