GENERAL SANTOS CITY – Mitungha sa sesyon sa Sanggunian Panlungsod kagahapong adlawa si Police Major Robert Forez ang hepe sa .Mabuhay Police Station alang sa katikaran sa sensesyunal nga kaso nga paglugos ug pagpatay sa usa ka syete anyos nga bata nga taga Conel ning syudad.
Giangkon niini nga hangtud karon wala pay matudlo nga suspek sa mangilngig nga krimen. Una walay witness alang sa nahisgutang kaso human tulo ka adlaw una nadeskubre ang patay nga lawas sa biktima.
Ikatulo nga nag decomposed na ang lawas sa bata ug ang ika upat nga dili pwedi ikarga sa eroplano ang luminol reagents nga gihangyo sa national headquarters busa kinahanglan kini nga ikarga pinaagi sa sakyanan .
Kahinumduman nga Marso trese nakita ang ang patay nga lawas nga nakasulod sa sako.
Marso 20 gihatud sa ulahing kapahulayan ang bata nga gitambungan sa iyang Inahan mga kabanay ug kaila. Sumala kang Forez may tulo nga nagbulontaryo nga person of interest luyo nga unom ang naa sa talaan.
Sa ulahi nagpatabang ang kapulisan sa LGu nga makapalit ug chemical reagents aron nga magamit sa susama nga kaso aron dili na malangan ang proseso sa imbestigasyon kung adaunay susama nga kaso nga mahitabo sa dakbayan.
