GENERAL SANTOS City – May gitutukan na karon ang kapulisan nga possibleng person of interes kalabutan sa pagpamusil patay kang Ali Macalintal, usa ka kanhi sakop sa media sa dakbayan.
Matud pa ni City PNP Director Col. Nicomedes Olaivar Jr., nga gipalihok na niya ang iyang mga sakop kalabutan sa maong insidente aron nga matumbok kung kinsa ang responsable.
Gikadugang pa niini nga ang tanang mga anggulo ang ilang gitutukan susama sa kalambigitan sa biktima sa sa usa ka progresibong grupo nga apil sa mga gamartsa sa kadalanan kaniadto, ingon usab ang personal grudge.
Sa pagkakaron hugot ang pagpaningkamot sa kapulisan aron nga matumbok kung kinsa ang mipusil patay kang Ali aron nga mahatagan og hustisya.
Kahibaluan nga si Ali ang gipusil patay sa iyang customers nga usa ka lalake nga sakay sa motorsiklo sa Calina St. Lagao ning syudad.
