GENERAL SANTOS CITY – Plano nga magmugna og Special Investigation Task Group (SITG) ang kapulisan human sa natigayong pagpatay sa usa ka langyaw sa Purok Masagana, Barangay Baluan, ning syudad.
Kahibaluan nga nakaplagan patay si Hyun Seong Hong, Korean business man, hamtong ang panuigon, taga Barangay Labangal ning dakbayan.
Matud ni P/Maj. Yul Hilado, hepe sa Lagao Police Station, usa ka dakong imbestigasyon ang ipahigayon hilabi na usa ka langyaw ang nahimong biktima.
Sa kasamtangan wala pay natumbok nga lead kung kinsa ang mga responsable sa krimen og blangko pa sa motibo sa pagpatay.
Sa gipahigayong backtracking ilang nasuta nga ang biktima usa ka American passport holder, American citizen luyo nga gipanganak kini sa Korea.
Adunay βlending business ang biktima og kaniadtong Enero 2016 dihang nadakpan sa mga personahe sa Philippine Drug Enforcement Agency (PDEA) 12 kung asa nakakumpiska sa gituohang shabu ug drug paraphernalia.
Nasayran usab nga nakasuhan si Hong sa pagsupak sa Immigration Law tungod overstaying na kini sa nasud.
Gawas niini, gikabutyag nga tulo ka bulan nang wala makabayad ang biktima sa giabangang boarding house.
Nakumpirma usab nga walay pamilya sa Gensan ang biktima hinuon nahinabi sa kapulisan ang usa sa mga higala niini nga mao usab ang nagpahibalo sa mga kabanay ni Hong sa Amerika sa nadangatan niini.
Apil usab sa giimbestigahan karon ang mga nakarelasyon sa biktima dinhi sa Gensan apil kadtong napangasawa matud pa niining usa ka negosyanteng Pinay nga nanag-iya og restaurant.
Nakaplagan ang biktima sulod sa kotse nga puti (Suzuki ciaz) nga adunay mga samad pinusilan sa lawas og patay na.
Lakip sa nakita sa kapulisan ang basiyo sa bala sa .45 kalibre sa pusil ug gasolina.
Matud sa kapulisan nga gidauban ang kotse apan igo lang nasunog ang driver seat ug wala na midako pa ang kalayo.
Gituhu-an nga kung naabot sa kalayo kadtong gasolina posebling musilaob ang tibuok sakyanan ug maapil kasunog ang biktima.
