GENERAL SANTOS CITY – Gipangunahan nilang PRO 12 Director Police Brigadier General Percival Placer ug PNP City Director Col. Nicomedes Olaivar Jr. ang pagsusi sa mga simbahan ning syudad aron sa pagsiguro nga mahimong hapsay ang pagpahigayon sa mga aktibidades sa Semana Santa.
Sa usa ka simbahan nga giadtu-an miluhod ug nag-ampo si General Placer samtang naa sa iyang likod ang mga sakop.
Matag simbahan nga gilibot ug gitan-aw sa Heneral ang sitwasyon.
Gibisita usab niini ang terminal ug human makita ang mga sakop dayon kini nga miadto sa uban nga lugar.
Samtang karong adlawa, Marso 29, 2024 timaan sa paghinumdum sa mga kasakit ni Hesu Kristo nagpahigayon ug Station of the Cross paingon sa Camp General Paulino T. Santos kauban ang mga Opisyal sa kapulisan sa rehiyon.
