Gipalapdan sa mga awtoridad sa Minnesota ang ilang pagpangita sa suspek nga mipatay kang State Rep. Mellisa Hortman ug sa iyang bana nga si Mark.
Nakaplagan sa mga awtoridad ang sakyanan sa suspek nga si Vance Boelter sa Sibley County, Minnesota.
Gumikan niini, ilang gipahibawo ang mga residente diin nanawagan sila nga i-report dayon kanila ang suspek kung makakita sila niini.
Giisip sa mga otoridad nga adunay kalambigitan sa politika ang suspek tungod kay nakit-an sa mga awtoridad ang usa ka lista sa mga politiko, kadaghanan kanila mga Demokratiko, nga mahimong target sa suspek.
Kahinumduman nga nagsapot og pulis ang suspek ug miadto sa balay sa mga biktima ug didto gipusil ang magbabalaod.
Sa laing bahin, gipahugtan sa mga Democrats ang ilang seguridad ug nanawagan nga dakpon dayon ang suspek.
