GENERAL SANTOS CITY – Pulos mga high value target ang napatay sa gipahigayog buybust operation sa PNP 12.
Unang target mao si Micheal Agot , 36 anyos, mekaniko nga taga Zone 9, Fatima ning syudad.
Nakamatikod ang nasampit nga pulis ang iyang ka-transaksyon hinungdan nga mibunot og pusil apan naunahan sa pagpabuto nga nagresulta sa pagkasamad niini.
Gidala pa sa ospital apan gideklarang dead on arrival sa attending physician.
Nakuha gikan kaniya ang usa ka .38 revolver, usa ka sachet og mark money nga P500.
Samtang patay usab si Phllip John Gallenero nga taga Pigcawayan, Cotabato sa natigayong operasyon sa Matalam sa nasampit nga probinsya.
Misukol sa mga otoridad hinungdan sa iyang kamatayon. Nakuha gikan sa suspek ang usa ka caliber 22 pistol, 40 ka sachet sa shabu P35,000 lakip ang motorsiklo nga gigamit sa biktima sa pagbaligya sa ilegal nga droga.
