Gidayeg sa kapulisan ning syudad ang nahimong aksyon ni Philippine National Police chief Nicholas Torre III nga iyang gibarugan ang iyang pagdawat sa boxing match batok kay acting Davao City Mayor Baste Duterte ug iya kining gihimong usa ka “boxing for a cause” nga nakatigom sila ug kapin 20 milyon pesos nga ilang itabang ngadto sa mga apektado sa mga bagyo ug habagat bisan paman wala misipot si Duterte sa maong boxing match.
Kahinumduman nga una nang gibutyag ni PCol. Nicomedes Olaivar Jr. nga dako gyud ang tyansa nga dili madayon ang laban sa duha tungod sa mga gipanghuptan niini nga posisyon sa gobyerno.
Kagahapong adlawa napuno ang Rizal Memorial Coliseum sa Manila ug mga manan-away apan gumikan wala motungha si acting Davao City Mayor Baste Duterte gideklarang win by default si PNP Chief Torre.
