Kapulisan dili angayang magpalayo sa media – Col. Yap

GENERAL SANTOS CITY – Gihingusgan ni City PNP Director Col. Jomar Alexis Yap nga angayang dili mahimong magpalayo ang mga kapulisan sa media.

Kini ang reaksyon sa maong opisyal human nga gipangutana kalabutan sa mga chief of police nga dili magpa-interview sa media.

Matud pa ni Yap nga kinahanglan ang media sa mga programa sa PNP aron mapasabot sa katawhan.

Dili angayang likayan nga media tungod sila ang dalan nga masayran sa publiko kung unsa ang mga mensahe sa otoridad.

Sa pamahayag ni Yap nga iyang estoryahon ang mga chief of police nga makig-alayon sa media tungod sila ang higala sa mga police.

Angayang i-develop usab sa mga police ang ilang public speaking skills aron nga mas mahimong maayo pa ang pagserbisyo sa publiko.