GENERAL SANTOS CITY – Blangko pa ang kapulisan sa nahitabo nga pagsunog sa tulo ka mga heavy equipment nga panag-iya sa usa ka construction firm sa Sitio Balagon, Brgy. Tuanadatu, Maitum, Sarangani Province.
Kini ang gibutyag ni P/Insp. Dennis Castillo, officer in charge sa Maitum Municipal Police Station. Una niini, gilayon nga girespondihan sa tropa ang lugar kung asa naabtan ang tulo ka mga heavy equipments nga gisunog sa mga armadong kalalakihan.
Una nang nakadawat ug sumbong kalabot sa nakit-an nga presensiya sa mga armadong grupo kaniadtong Lunes sa gabii sa lugar.
Nasayran nga nakadawat matud pa ug bahad ang tag-iya sa tulo ka heavy equipment pinaagi sa sulat.
Gipangayuan matud pa ug suporta ang tag-iya sa kompaniya.
Gikabutyag nga nagkantidad ug P7 miyon ang nasunodg nga mga himan.
Sa karon padayon pa ang ginahimong imbestigasyon sa kapulisan sa Maitum kalabot sa nahisgutang insidente.
