GENERAL SANTOS CITY – Padayon pang nangalap og ebidensya og testigo ang kapulisan sa Maasim Sarangani kalabotan sa ulahing natigayon nga pagpamusil sa usa ka negosyante sa ilang area of responsibility sa miaging adlaw.
Kahinumduman nga ang biktima ang giila sa pangalan nga si June Cañada nga residente sa Barrio sais Maasim.
Sumala pa ni Po2 Joser Ngilay sa Maasim Municipal Police Station, sa pagkakaron wala pay matudlo ang ilang presinto kung kinsa nga suspek sa krimen.
Sa imbestigasyon, natigayon ang pagpamusil alas 8:00 sa gabie samtang ang nagtindog ang biktima sa plaza atubangan sa munisipyo sa Maasim.
Mihunong ang usa ka motorsiklo og gipusil sa sakay niini ang biktima gamit ang wala matino nga matang pusil.
Nakaangkon ang nasampit ug samad pinusilan sa ulo nga hinungdan sa iyang hinanaling kamatayon.
