GENERAL SANTOS CITY – Wala na makaabut pa sa dakbayan ang Kapitan ug Chief Engineer sa MV Super Shuttle Roro 9 human pugsanong gipakanaug sa ilang barko.
Gikumpirma ni Seawoman Emma Ruth Consuelo sa Coast Guard Gensan nga mupadulong pa lamang sa dakbayan ang naasoy nga barko dihang giatangan na sa mga armadong lalaki nga gituhu-ang mga sakop sa Abu Sayyaf.
Gikan matud pa sa Basilan ang Panaminian Flagged vessel nga mupadulong unta sa GenSan dihang nahitabo ang pagdagit nilang Capt. Aurelio Agacat ug Chief Engineer Laurencio Tiro.
Unang gikumpirma ni Zamboanga Coast Guard station commander Lt. Col. Alvin Dagalea nga gipugos pagpakanaug sa mga armadong suspek ang mga biktima.
Nahitabo matud pa ang pagpangdagit sa Sibago Island ug dayon miikyas ang mga suspek padulong sa Tuburan, Basilan gamit ang tulo ka speedboats.
