GENERAL SANTOS CITY – Adunay duha ka station sa mga negosyante ang nagbutang ug negosyo sa baybayon sa Barangay South, kini ang reaction ni Kapitan Rock Garay sa pahayag ni Geraldine Zamora sa Business Permit and Licensing nga walay ni usa sa nagbutang ug negosyo sa lugar ang nagkuha ug permit gikan sa syudad.
Matud ni Kapitan Garay nga may 28 ka negosyo ang nahatagan ug “special permit” sa Barangay samtang ang laing grupo ang takda usab nga mukuha ug permit.
Gikumpirma niini nga gipakigkitaan ang mga tag-iya sa stall nga wala pa nakakuha ug permit ug giawhag nga mukuha sa secial permit sa ilang barangay.
Pagpaklaro ni Garay nga fund raising ang gihimo sa Barangay pinasibo sa Republic act 7160 Section 391 nga ang Barangay mahimong magpahigayon ug “fund raising activity” gamit ang bisan asa nga permit ma lokal man o nasyunal.
Hinuon nagka estorya na matud pa sila si Zamora ug nahatagan na ug katin-awan ang pag isyu sa Barangay ug special permit alang niini sa tumong nga makatigum ug pondo nga ipatukod sa Barangay ug comfort room alang sa Publiko.
