GENERAL SANTOS CITY- Kapin sa P1.5 million ang kantidad sa illegal nga droga ang nakumpiska sa kapulisan atol sa anti-illegal drugs operation.
Duha ka tawo ang nasikop atol sa buy-bust operation sa miaging Abril 11, 2025 sa National Highway, Purok 2, Barangay Glamang, Polomolok, South Cotabato.
Ang mga nasikop mao silang alias “Abdul”, 23 years old, married, jobless, nga residente sa Barangay Adon, Datu Anggal Midtimbang, BARMM, nga lakip sa High-Value Individual (HVI); og alias “Regine”, 19 years old, single, jobless, nga taga Purok 35, Barangay Aflik, Tboli, South Cotabato, nga lakip sa Street-Level Individual.
Nakuha gikan kanila ang 12 ka heat-sealed transparent plastic sachets nga may unod sa gituohang shabu nga anaa sa 226.5 grams kung asa may standard drug price nga P 1,540,200.00.
Narekober usab sa operasyon ang usa ka unit sa caliber .45 pistol nga may lima ka buhing bala og ang usa ka itum nga kotse.
Ang operasyon ang gihimo sa mga personahe sa Regional Police Drug Enforcement Unit 12, Polomolok Municipal Police Station sa South
Cotabato Police Provincial Office.
