SARANGANI PROVINCE – Kapin sa 800 ka mga pulis og laing mga force multipliers ang ideploy sa Sarangani Police Office kon SPPO alang sa kasaulogan sa kalag-kalag.
Matud pa ni Police Col. Nicomedes Olaivar, provincial director sa SPPO nga usa ka bulan una ang kasaulogan nangandam na ang ilang buhatan.
Kini gumikan atol sa kalag-kalag dili lamang sa sementeryo gaadto ang mga tawo apan lakip sa mga beach.
Nasayran nga sa pito ka mga munisipyo sa Sarangani unom niini ang mga dagat nga gilauman nga dugukon sa daghang mga tawo ilabi pa nga taas ang holiday.
Tungod niini anaa sa alert status ang kapulisan sa pagbantay sa palibot gikan sa kabukiran padulong sa matag munisipyo.
Ang mga pulis ideploy sa mga sementeryo duha ka adlaw una ang kalag-kalag.
