Mokabat sa 6,327 ka checkpoints ang gihimo sa kapulisan sa tibuok Pilipinas sukad nagsugod ang pagpatuman sa gun ban niadtong Enero 12, 2025.
Gibutang kini sa lainlaing mga estratehikong lugar sa mga dalan sa tibuuk nasud.
Matod ni Department of Interior and Local Government (DILG) Secretary Jonvic Remulla, sila gidumala sa igong gidaghanon sa mga sakop sa kapulisan, uban sa nagkadaiyang mga kabtangan susama sa mga patrol car, motorsiklo, ug uban pa.
Sa laing bahin, 34 ka election hotspots ang natumbok sa tibuok nasud, diin 27 niini pulos gikan sa Bangsamoro Autonomous Region of Muslim Mindanao (BARMM).
Ang uban gikan sa duha ka lugar sa Eastern Visayas ug upat ka lugar sa Luzon.
Matod ni Remulla, mopakatap og dugang puwersa sa kapulisan ang PNP sa maong mga lugar aron mamonitor ang dagan sa eleksiyon diha kanila.
Dugang pa niini nga , adunay igong puwersa sa kapolisan nga magbantay sa tibuok eleksyon ug masiguro nga hapsay ang dagan niini sa hangtud sa eleksyon.
