Kapin sa 40 ka mga rocket sa Hezbollah ang miigo sa Israel

Nakamugna og sunog sa amihanang Israel ug sa Golan Heights ang mga rocket nga gipabuto sa mga militanteng Hezbollah gikan sa Lebanon.

Diin sa taho sa Israel Defense Forces nga adunay labing menos 40 ka mga rocket ang miigo sa ilang teritoryo.

Ingon man nga walay namatay sa maong pag-atake apan, nakamugna kini og 10 ka sunog sa lain-laing dapit sa Israel.

Dugang pa nga ilang na-intercept ang kadaghanan sa mga rocket.

Wala gilimod sa Hezbollah ang insidente ug giingon nga gitarget niini ang unom ka barracks sa militar sa Israel.

Gigamit nila ang Katyusha ug Fallaq rockets sa pag-atake kauban ang tulo ka drones.