GENERAL SANTOS CITY – Kapin pa sa 165,000 ka mga bata nga nagpangidaron og siyam ka bulan hangtud sa 59 ka bulan ang angayang mabakunahan sa nagpadayong Measles Rubella Simultaneous Immunization Activity (MRSIA).
Sa 463,675 nga target nga mabakunahan batok sa tipdas sa rehiyon 12 anaa pa lang sa 298, 028 ang nabakunahan.
Ang GenSan ang may labing gamay nga nabakunahan itandi sa laing mga lugar sa rehiyon.
Nasuta nga ang GenSan ang anaa pa lang sa 51.48% o 30,257 ang nabakunahan itandi sa target nga 58,776.
Ang Cotabato City 58.42% ang nabakunahan o 17,431 samtang ang target 29,837.
Ang North Cotabato anaa a 59.30% o 87,452 ang nabakunahan samtang ang target ang anaa sa 147,474.
Ang Sarangani Province anaa sa 70.96% o 41.032 ang nabakunahan nga ang target sa immunization ang anaa sa 57,828.
Ang South Cotabato anaa sa 71.53% o 64,740 ang nahuman nga nga nabakunahan batok sa tipdas nga ang target 90,508.
Ang Sultan kudarat ang anaa sa 72.07% nga mukabat sa 57,116 ang nabakunahan samtang ang target anaa sa 79,252.
Ang MRSIA ang magpadayon hangtud sa Nobyembre 25, 2020.
