GENERAL SANTOS CITY – Mukabat sa 7, 577 ka business ang na-release sa Business Permit and Licensing Division kon BPLD sa ulahing adlaw sa renewal sa business permit.
Kini ang gibutyag ni Geraldine Zamora ang division head sa maong buhatan kung asa sumala pa niini, kutob sila alas 12:00 sa miaging gabie samtang pagkabuntag sa Dominggo, mibalik pa sa opisina aron asikasuhon ang mga nakabayad sa City Treasurers Office.
Gibutyag ni Zamora, ang 7, 577 ka business nga ilang na-release ang mas daghan sa target nga 7,000. Mas daghan usab kung itandi sa miaging tuig nga anaa lang sa 2,067 ka business permit ang ilang na-isyu.
Sa pahayag sa nasampit ang paspas ang renewal sa business permit karong tuiga itandi sa miaging mga katuigan hinungdan sa bag-ong sistema na nga gipatuman sa buhatan.
Gibutyag ni Zamora nga hangtud alas 3 sa hapon niadtong Sabado, miabot sa 9,298 ang na-assess sa City treasurers Office diin gilauman usab nila nga magbayad.
Hinungdan nga mukabat pa sa 2,000 ang ilang asikasuhon nga business permit.
Kahibaluan nga mukabat sa 800 ka mga business permit ang narelease sa BPLD sa ulahing adlaw sa renewal.
