Miabot na sa P1.79 bilyon ang kadaot sa sektor sa agrikultura tungod sa hiniusang epekto sa habagat ug sa naglabayng mga bagyong Luis, Maymay ug Neneng.
Sumala sa Department of Agriculture o DA, 51,229 ka mag-uuma ang naapektuhan sa grabeng panahon.
Base usab sa datos sa Disaster Risk Reduction and Management Operations Center o DRRM-OpCen, 41,647 ka ektarya nga yutang pang-agrikultura ang naapektuhan.
Nakaparehistro usab og 44,745 metriko tonelada nga mga produktong pang-agrikultura ang nawala tungod sa maot nga panahon.
Lakip sa mga apektadong lugar ang Ilocos Region, Cordillera Administrative Region, Cagayan Valley, Central Luzon, CALABARZON, MIMAROPA, Bicol Region ug Western Visayas.
Posible pang mosaka ang kantidad sa kadaot tungod kay padayon pa ang DA sa pag-assess sa mga lugar nga naapektuhan.
