GENERAL SANTOS CITY – Gibutyag nga 12 ang bag-ong kaso sa COVID 19 ang natala sa Rehiyon 12 base sa labing ulahing report sa DOH – Center for Health Development Soccsksargen Region.
Samtang anaa sa pito ang bag-ong nakarekober og walay natala nga namatay. Sa dose ka kaso lima ang gikan sa Gensan , usa sa Sarangani, lima sa South Cotabato, usa sa Sultan Kudarat.
Sa pagkakaron ang Gensan may 17,826 ka kaso , 56 ang active cases ug 631 ang patay.
Samtang 13,867 ang kaso sa North Cotabato , upat ang active cases ug 664 ang patay.
Sa Sarangani 7,997 ang natala nga kaso , napulo ang active case ug 197 ang patay.
Ang South Cotabato may 22,185 ka kaso , 47 ang active cases ug 830 ang patay.
Ang Sultan Kudarat may 8,547 ka kaso , tulo ang active cases ug 251 ang patay.
Sa katibuk-an adunay 70,422 ang COVID-19 confirmed cases sa SOCCSKSARGEN region kung asa 120 (0.17%)ang active cases, 67,697 (96.13%) ang recoveries og 2,573 (3.65%) ang COVID-19 related deaths.
