GENERAL SANTOS CITY – Mukabat sa 2,728 ka units sa mga pampublikong mga sakyanan ang nahatagan og special permit sa Land Transportation Franchising and Regulatory Board (LTFRB) sa Rehiyon 12.
Sumala pa ni Renato Padua, sa LTFRB 12 nga sukad nga nagbiyahe ang mga pampublikong mga sakyanan human nga gipatuman ang enhanced community quarantine angayang magkuha og special permit una makabiyahe.
Gikadugang pa sa nasampit nga opisyal nga oline ang application sa ilang buhatan og walay bayad.
Hinoon gipaklaro ni Padua nga angayang mutugot ang lokal nga obyerno nga magbiyahe ang mga pampublikong mga sakyanan una sila maghatag og special permit.
Sa iyang pamahayag nga ang biyahe sa van gikan sa GenSan ang hangtud lang sa Banate sa Malungon, Sarangani Province.
Samtang sa North Cotabato wala pa sila misugot nga pwede makalahos ang mga pampublikong mga sakyanan padulong sa Davao del Sur hinungda nga hangtud lang sa Makillala.
Gibutyag pa ni Padua nga kini ang labing unang higayon nga nakalahos sa Region 11 ang mga bus apan hangtud lang sa Crossing otsenta sa Sulop, Davao del Sur.
Hinoon iyang gipaklaro nga kadtong kooperatiba og kompanya lang ang gihatagan og special permit og dili ang kada usa ka tawo.
