GENERAL SANTOS CITY – Kapin na sa 100,000 ka mga indibidwal sa rehiyon dose ang nabakunahan na kontra sa covid 19.
Sa datos nga gipagawas sa Department of Health (DOH) Center for Health Development Soccsksargen nga anaa sa 58,793 ka mga healthcare/frontliner workers, 39,140 ka mga senior citizens ang nabakunahan na.
Samtang 11,463 nga nalangkob sa A3 category kon mga indibidwal nga adunay balatian, may 46 ka mga frontliner workers gikan sa essential sectors.
Sa 104,442 nga nakadawat na og bakuna, mukabat sa 49,179 ang fully vaccinated kun duha ka dose na sa bakuna ang naturok kanila.
Alayon niini nagpahimangno ang mga personahe sa DOH 12 nga bisan nabakunahan na padayon gihapon nga dili magkumpiyansa sa tanang higayon tungod pwede gihapon nga matakbuyan sa virus.
Dugang pa sa ahensya nga angayang kanunay nga sundon ang mga health protocols sama sa pagsul-ob og face mask/ face shield, paghugas og mga kamot, og pag-obserba sa social distancing.
