GENERAL SANTOS CITY – May kapin gatus pa ka mga slot nga bakante sa Edukar Gensan alang sa libre nga pagtungha sa Mindanao State University.
Kini luyo nga nagsugod na ang klase niadtong unang semana sa Hunyo apan sa Agusto pa magsugod ang klase sa naasoy nga tulunghaan .
Matud ni Philip Pabilic sa Edukar Program sa LGU nga abli kini sa mga residente sa dakbayan.
Mamahimo lamang matud pa nga bisitahon ang ilang buhatan sa Mayors Office aron sa pagsumite sa mga rekosito.
Gikadugang pa ni Pabilic nga hangtud Hulyo 15 pa ang pagdawatan sa mga aplikante aron mahatagan ug libre nga pagtungha.
Kinahanglan lamang nga isumite ang grado, certificate of indegency, pamatuod nga ang estudyante apil sa level D ug E .
Una nga gibutyag niini nga adunay 1,200 ang mga aplikante ug 519 niini ang gipailawom sa screening hinungdan nga ang nakasulod mukabat lamang sda 240.
Gani gihatag na sa syudad ang certificate of awards ngadto sa nahisgutang mga estudyante.
Ang Edukar Gensan ang muabaga sa P20,000 matag semester lakip na ang tuiton ug misceslaneous, ug P2,000 nga allowance matag bulan.
