Gibutang sa peligro sa pagbaha ug posibleng pagdahili sa yuta ang kinatibuk-ang 8,436 ka barangay sa tibuok nasud tungod sa padayon nga paglungtad sa hanging habagat nga nagdala og mga pag-ulan.
Misaka kini karong Agosto 15 gikan sa kapin 3,600 ka barangay nga natala kagahapon.
Sumala sa Department of Environment and Natural Resources–Mines and Geosciences Bureau (DENR-MGB), gibase ang maong datos sa 72-hour rainfall forecast sa state weather bureau ug sa posibleng epekto niini sa mga lugar nga prone sa pagbaha ug pagdahili sa yuta.
Region 1: 2,835
Region 2: 606
CAR: 624
NCR: 1,252
Region 3: 1,969
Region 4A: 765
Region 4B: 157
Region 5: 224
Region 6: 1
Region 13: 3
Gipahimangnoan ang mga residente sa flood-prone ug landslide-prone areas nga magmatngon sa pagtaas o pag-ubos sa lebel sa tubig-baha. Kinahanglan usab nga bantayan ang mga lugar duol sa mga suba, bakilid ug mga agianan sa tubig sama sa drainage canals.
Gi-awhag usab ang publiko nga i-report dayon ang bisan unsang timailhan sa paglihok sa yuta, kalit nga pagsaka sa tubig ug pagdaghan sa lapok nga dala sa baha.
