GENERAL SANTOS CITY – Misaka na ngadto sa 7,136 ang ihap sa nagkasakit og dengue sa Rehiyon 12 ning tuig.
Ang maong data base sa natala nga dengue case sa Regional Epidemiology and Surveillance Unit sa DOH 12 gikan Enero 1 hangtod June 8, 2019.
Ang maong ihap ang 54 % mas taas itandi sa susamang panahon miaging tuig.
Gikabutyag nga anaa 33 na ang namatay sa rehiyon tungod sa dengue.
Usa ang gikan sa Cotabato City kung asa 309 ang natala nga dengue cases; usa ang napatay sa Gensan sa 462 sa cases; 10 sa North Cotabato sa 2,525 cases; tulo sa Sarangani sa 749 cases; 13 sa South Cotabato sa 2,166 cases; lima sa Sultan Kudarat sa 921 cases.
Tambag sa mga doktor nga siguruhon nga walay lugar sa panimalay og palibot nga pwedeng maitlogan sa mga lamok aron makalikay sa maong makamatay nga sakit.
