Pipila ka tulunghaan gihapon sa nasud ang nagpabilin nga gibaha tungod sa gibiling epekto sa baha og nagsilbi nga evacuation centers sa mga residente nga mibakwit tungod sa bagyong Carina.
Tungod niini, mukabat sa 738 nga mga tulunghaan sa pipila ka rehiyon sa nasod ang dili pa maka-abli sa klase sa Hulyo 29 , 2024.
Lakip sa maong mga rehiyon ang Region 3, Region 7, Cordillera Administrative Region, og bisan ang National Capital Region nga anaa gihapon sa State of Calamity.
Sa kasamtangang datos sa Department of Education, mukabat sa kapin 200 nga mga tulunghaan ang gibaha samtang anaa sa kapin 400 ang kasamtangang gipasilongan sa mga bakwit.
Mukabat usab sa kapin 12k ang mga tulunghaan sa 65 ka mga dibisyon sa 10 ka rehiyon ang naapektuhan sa bagyong Carina.
Matud ni DepEd Sec. Sonny Angara, hangtod mahimo, dili angayang madelatar ang pagbalik sa klase aron dili maapektuhan ang pagtuon sa mga magtutungha.
