Gibanabana nga 68.43 milyones ka mga Filipino ang mobotar karong Lunes aron mopili og bag-ong liderato sa nasyonal ug lokal nga eleksyon, matod sa Commission on Elections (Comelec).
Sa talaan, moabot sa 4.3 milyones ka mga Pilipino ang mobotar sa unang higayon sa nasudnong piniliay karong tuiga.
Ang Comelec nipahinumdom sa mga botante sa pag-compile sa listahan sa mga kandidato nga ilang botaran.
Alang sa nasudnong posisyon, hangtod sa 12 ka senador ug usa ka party-list ang mahimong mapili samtang sa lokal nga posisyon, lakip sa mga pilion nga botohan mao ang kongreso, gobernador, bise-gobernador, mga sakop sa provincial board, mayor, bise-mayor, ug mga konsehal (depende sa siyudad o lungsod).
Sa dili pa ang eleksyon, ang mga botante kinahanglang makadawat sa Voter’s Information Sheet (VIS) nga adunay mga importanteng detalye sama sa presinto, voting center, ug sample ballot. Mahimo usab nimo gamiton ang Comelec Precinct Finder online aron makit-an ang eksaktong lugar nga botohan.
Panahon sa pagboto
Regular nga mga botante: 7:00 a.m. hangtod 7:00 p.m.
Senior citizens, PWDs, buntis, ug ilang mga katabang: mahimong mobotar sugod alas 5:00 sa buntag.
Walo ka lakang sa pagboto
Ipaila ang imong kaugalingon sa electoral board.
Susiha ang ngalan sa listahan ug ang tudlo kon adunay tinta.
Gipirmahan nga EDCVL.
Dawata ang balota ug marker.
Pagboto pinaagi sa pag-shading sa lingin sunod sa ngalan sa kandidato.
Isulod ang balota sa vote-counting machine ug hulaton ang resibo.
Susiha ang resibo ug ihulog kini sa ballot box, nga kasagaran yellow.
Ang tudlo maselyohan sa dili mapapas nga tinta sa dili pa mobiya.
