GENSAN-Dakpan sa kapulisan ang duha ka indibidwal Abril 2, 2025 sa Purok Cabu, Brgy. Bawing, General Santos City.
Giila sa mga otoridad ang mga nadakpan nga silang Alyas “Ombra” driver sa Montero Sport, anaa sa legal nga pangidaron, minyo ug Alyas Jimzon, driver sa Starex, hamtong ang pangidaron, single ug pulos residente sa Makbimban, Kraan, Palimbang Sultan Kudarat.
Sa inisyal nga imbestigasyon nagpahigayon ug comelec checkpoint dihang ilang gipara ang duha ka sakyanan nga gimanehuan sa duha ka suspek.
Sa ilang pagsuta, adunay karga ang mga sakyanan sa mga kinarton nga sigarilyo hinungdan gipangitaan ug mga dokumento ang mga nahisgutan apan wala kini napakita.
Gilayong nakig-alayon ang Tambler Police Station sa Bureau Of Custom Sub-port Gensan aron nga i-proseso ang maong mga smuggled nga sigarilyo.
Gikabutyag nga ang mga nahisgutang suspek ang sumala pa ilegal nga naga-transport sa mga smuggled cigarettes.
Narekober sulod sa Mitsubishi Montero Sport ang 160 ka reams sa Gajah Baru nga adunay estimated market value nga P192,000 samtang sa Hyundai Starex color black ang 381 reams sa Port white cigarettes og 119 reams sa Gajah Baru nga adunay estimated market value P442,189.
Gikabutyag nga tanang mga nakumpiska nga mga ebidensya adunay kinatibuk-ang kantidad nga mokabat sa P634,189 nga takdang i-turnover sa BOC.
Ang mga suspek ang mag-atubang ug kasong violation of RA 10863 kon Customs Modernization and Tariff Act.
