GENERAL SANTOS CITY – Padayon pang gigukod sa kapulisan ang tulo katao nga gituohang nalambigit sa slot machine o tolendoy.
Nasayran nga nakadawat og impormasyon ang Pendatun Police Station nga adunay mga slot machine naa sa Purok Kawa Brgy. Dadiangas West ning dakbayan hinungdan nga girespondihan ang maong taho kauban ang mga sakop sa City Public Safety Company.
Dihang namatikdan ang presensiya sa kapulisan nga padulong sa ilang gikahimutangan, gilayong paspas nga nanagan sa wala matino nga lugar ang tulo ka wala mailhing tao og gibandona ang mga tolendoy.
Sa pagsusi sa kapulisan, mukabat sa 62 ka slot machine ang gikarga sa sakyanan.
Pagkakaron padayon pang gisuta kon kinsa ang tag-iya sa maong mga tolendoy og asa kini dalhon.
Kahibaluan nga mukabat sa 22 ka slot machine usab ang nakumpiska sa mga otoridad sa miaging semana sa Prk. Palen Labangal ning dakbayan kon asa gisakay sa jeep.
