GENERAL SANTOS CITY – Mukabat sa 500 ka mga personahe sa General Santos City Police Office ang gi-deploy sa tibuok dakbayan aron mag bantay sa seguridad ug kalinaw atul sa Semana Santa.
Matud ni Police Major Jovenson Bayona, ang labaw sa Operation Management Branch, nga nagpatawag ug tigum alang sa mga chief of police aron mahan-ay ang security plan sa palibut sa dakbayan.
Gawas matud pa sa naasoy nga ihap sa kapulisan may dugang 24 ka mga pesonahe gikan sa Regional Mobile Force Batallion ug mga personahe sa Joint Task Force (JTF) Gensan ang ibutang sa mga beach resorts.
Kini tungod kulang ang mga sakop sa Tambler Police Station nga magbantay sa ilang area of responsibility.
Gikadugang usab ni Bayona nga mag padayon ang police visibility sa mga subdibisyon tungod kay posibleng daghan sa mga tawo ang mupahawa sa ilang panimalay aron muadto sa simbahan ug magbakasyon sa ubang lugar.
