SARANGANI PROVINCE- Gipasalig ni Municipal Mayor Victor James B. Yap, Sr. sa Glan nga mahatagan ug relokasyon ang mga pamilyang nasunogan gikan sa Barangay Poblacion sa miaging adlaw.
Matud pa niini nga ang mga biktima sa sunog mao usab ang mga nahimong biktima sa linog nga miigo.
Ang mga nasampit ang i-relocate na unta sa relocation site sa Glan apan wala pa hingpit nga makabalhin sa house and lot nga gihatag kanila tungod wala pa usab masugdan sa ational Housing Authority (NHA) ang konstrukyon.
Dili na pabalikon ang mga nasampit sa ilang pinuy-anan tungod kay delikado panahon nga kusog ang pag-ulan tungod kay daplin sa baybay namuyo ang mga nasampit.
Nasayran nga faulty wiring ang nakita nga hinungdan sa BFP sa dakong sunog nga natigayon kung asa adunay 47 ka balay ang naugdaw og kapin sa 50 ka pamilya ang naugdaw ang balay.
