Nameligro nga makasinati og mga pagdahili sa yuta og baha ang anaa sa 5,688 barangay sa mga rehiyon nga gilauman nga maapektuhan sa bagyong Kristine, sumala sa Office of Civil Defense (OCD), base sa datos gikan sa Mines and Geosciences Bureau.
Kini taliwala sa gipaabot nga pag-landfall sa bagyong Kristine sa sidlakang baybayon sa Cagayan sa adlaw nga Huwebes og mahimong mutabok kini paingon sa Northern Luzon.
Sa usa ka pahayag, sumala sa OCD nga gimandoan na niini ang mga regional office nga sugdan ang pagpangandam alang sa posibleng epekto sa bagyo, tungod ang mga ‘rain band’ sa potensyal nga tropical cyclone mahimong magdala og kasarangan ngadto sa kusog nga pag-ulan sa Bicol region, probinsya sa Samar, ug uban pang lugar sugod karong adlawa.
Base usab sa pagbanabana gikan sa Department of Social Welfare and Development, anaa sa kapin usa ka milyon nga indibidwal ang mahimong maapektuhan sa maong bagyo.
Alayon niini giawhag ni OCD Administrator Undersecretary Ariel Nepomuceno ang mga komunidad nga daling mabahaan og nameligro sa mga landslide nga sundon ang panawagan ug himuon ang mga gikinahanglang pagpangandam sa epekto sa bagyo.
