GENERAL SANTOS CITY – Nabalaka si Geraldine Zamora division head sa Business Permits and Licensing Division kay hapit na mahuman ang One Shop Shop karong adlaw nga Lunes Enero 20, 2020.
Matud niini nga adunay lamang tres mil ka mga negosyante ang na-isyuhan og business permit sa ilang buhatan .
Kini human gisugdan ang renewal sa business permit renewal kaniadtong Enero 2 samtang giklaro nga sa adlaw nga Sabado ug Dominggo abli kini gikan alas 8:30 sa buntag hangtud alas 5:30 sa hapon alang sa magproseso sa ilang business permit.
Gikadugang pa niini nga daghan na ang naka-billing apan wala pa nakabayad sukwahi matud pa sa miaging tuig.
Una nga gibutyag nga target niining tuiga ang 8,000 hangtud 9,000, ka mga negosyante luyo nga malaumon nga makab-ot o malabwan pa ang target pagkahuman sa gihatag nga tagal sa syudad alang sa mga negosyante nga hangtud sa tungang gabii sa Enero 20.
Kung mapakyas sa pagtuman sa pagkuha ug business permit pahamtangan ug multa og surcharge kun dugang bayad ang mukuha ug business permit.
