GENERAL SANTOS CITY -Gikalipay sa South Cotabato Swine Producers Association nga hinay hinay ng nailhan og gitangkilik sa ubang lugar sa Luzon og Visayas ang letchon gikan sa GenSan.
Matud pa kang Chester Warren Tan nga miembro sa SOCOSPA, kini ang hinungdan nga nagpatabang sila sa tanan ilabina sa lokal nga panggamhanan aron mas mapromotar pa sa ubang lugar ang letchon gikan sa GenSan og sa uban pang bahin sa Socsargen.
Gibutyag ni Tan, ang 9th Lechon festival sa dakbayan karong adlawng Sabado Hulyo 28, 2018 magsilbing dry run alang sa mas bongga pa nga Letchon Festival sunod nga tuig.
Matud pa, adunay parada nga matigayon apan dili na ilakip ang lechon nga iparada sama sa miaging katuigan.
Dili muobos sa 35 ka lechong baboy o anaa sa 2,000 ka kilo sa letson ang libreng ipakaon atol sa boodle fights.
Apan gipaklaro ni Tan nga dili tanan pwedeng muadto sa Oval plaza.
Singkwenta ka tawo gikan sa matag barangay ang gi-imbitahan og gihatagan sa coupon aron muduyog sa boodle fight.
