GENSAN- Nagpabilin gihapon ang mga apektadong residente sa mga evacuation center sa Region 12 tungod sa padayon nga mga aftershocks nga gibati human sa linog.
Matod ni Office of Civil Defense Region 12 Spokesperson Beverly Anne Santos, sa ilang pinakabag-ong monitoring, adunay pa gihapoy 76 ka evacuation centers nga nag-atiman sa mga bakwit.
Daghan sa mga pamilya ang wala pa makapauli tungod kay nahadlok gihapon sa sunod-sunod nga aftershocks, samtang ang uban adunay mga balay nga totally o partially damaged.
Sa kasamtangan, ang Sarangani gihapon ang adunay pinakadaghang mga bakwit, diin miabot na sa 2,423 ka pamilya ang anaa sa mga evacuation center. Samtang sa General Santos City, adunay 952 ka pamilya ang nagpabilin usab sa mga evacuation center.
Giingon usab sa OCD nga padayon ang koordinasyon nila sa Department of Social Welfare and Development o DSWD aron masiguro nga mahatagan og hustong tabang ug suporta ang tanang mga evacuees.
