Nakumpiska sa mga personahe sa Department of Agriculture pinaagi sa Bureau of Plant Industry katabang usab ang Bureau of Customs ang dili mumenos sa 25 metric tons sa smuggled nga pula nga bombay gikan sa China sa Misamis Oriental.
Matud sa DA, ang cargo ang niabaot kaniaadtong May 26 nga gideklara nga frozen goods sa egg noodles, croissant, dough, pizza dough, buns, ug spring rolls.
Una na nga kini gibabagan sa pagpagawas sa mga kargamento alang sa “Dugang inspeksyon” subay sa hangyo sa BPI-Plant Quarantine Service sa Cagayan de Oro ngadto sa BOC.
Matod sa DA, usa ka physical examination ang gihimo niadtong Hunyo 11 ug nasuta nga ang mga red onion wala malista sa manifesto niini.
Base sa assessment sa mga otoridad, aduna kini gibanabanang balor nga P2 milyones.
Human sa pagkadiskobre, girekomendar dayon ang pagkompiska sa maong kargamento.
Subling gipasidan-an ni Agriculture Secretary Francisco Tiu Laurel Jr., ang mga misuway pag-import og mga smuggled nga bomnay bisan og wala pa sila mo-isyu og import clearance karong panahona.
