-- ADVERTISEMENT --
Kapin 21,000 ka mga kapulisan ang ipakatap sa National Capital Region Police Office (NCRPO) aron masiguro ang kalinaw ug kahapsay atol sa State of the Nation Address (SONA) 2026 ni Pangulong Ferdinand Marcos Jr.
Matud sa NCRPO, ang pagdeploy sa mga personnel kabahin sa komprehensibong security preparations aron mapanalipdan ang mga delegado, opisyal sa gobyerno, ug publiko nga motambong o moapil sa mga kalihokan may kalabotan sa SONA.
Tutukan usab sa kapulisan ang mga lugar nga gipaabot nga daghang tawo, lakip ang palibot sa venue sa SONA ug mga dapit diin ipahigayon ang mga protesta.
Gipahinumdoman sa NCRPO ang publiko nga magpabiling malinawon ug mosunod sa mga lagda aron malikayan ang bisan unsang insidente atol sa maong dakong kalihokan.
-- ADVERTISEMENT --
